رویداد خبري آژانس په افغانستان کې لومړنۍ دیجټلي خبري آژانس
د چاد حکومت د آلمان سفیر کریستین ګوردون څخه جمعه د شپې وغوښتل چې په ۴۸ ساتونو کې دې له دغه هېواد څخه ووځي. د چاد حکومت «بې ادبه چلند» او د «ډيپلوماسي دودونو ته نه درناوی» د سفېر اېستلو لپاره د دلایلو په توګه مطرح کړي.
د دغه ۱۷ میلیوني هېواد حکومت د خپل دغه اقدام لپاره بله کومه غوره توجیه نه درلوده. ځايي رسنۍ ګومان کوي چې پر اوسني انتقالي حکومت نېوکې د دغه ګام اصلي دلیل دی.
د آلمان د بهرنیو چارو وزارت د شنبې پر ورځ په برلین کې ویلي، هغه دلایل چې د سفیر د اېستلو لپاره ویل شوي د درک وړ نه دي. ویل شوي چې د آلمان د بهرنیو چارو وزارت اوسمهال د موضوع په تړاؤ د چاد حکومت سره د خبرو په حال کې دی.
چاد هغه هېواد چې پکې بې وزلي او اداري فساد واکمن دي، شمال ته له لیبیا او لویدیځ لور ته له نیجر سره پوله لري. له اپریل میاشتې راهېسې محمد بن ادریس دیبي د دغه هېواد ولسمشري کوي.
