رویداد خبري آژانس په افغانستان کې لومړنۍ دیجټلي خبري آژانس
د ا.ا د کډوالو چارو وزارت وايي، له ایران او پاکستان څخه دوه زره ۱۰۸ افغان کډوال په خپله خوښه او په جبري توګه هېواد ته راستانه شوي دي.
د ا.ا د کډوالو چارو وزارت د معلوماتو له مخې، چې پرون د غویي په ۲۲مه یو زر ۷۵۹ افغان کډوال د هرات د اسلام کلا له لارې هېواد ته راستانه شوي دي.
په خبرپاڼه کې ویل شوي چې ۳۴۹ نور کډوال د غویي په ٢٢مه له پاکستان څخه ایستل شوي او هېواد ته راستانه شوي دي.
بلخوا په ننګرهار د ا.ا د تورخم مسوولینو ویلي چې د ۳۴۹ کسانو په ګډون ۶۵ کورنۍ له پاکستان څخه په «جبري» توګه ایستل شوې او هېواد ته راستنې شوې دي.
