رویداد خبري آژانس په افغانستان کې لومړنۍ دیجټلي خبري آژانس
د لبنان په جنوب کې پر یو موټر د اسراییلو د بې پېلوټه الوتکې په برید کې د وژل شویو شمېر ۵ کسانو ته رسېدلی دی.
د لبنان روغتیا وزارت د معلوماتو له مخې، په دغه برید کې چې ساحلي ښار صُور ته نږدې په طير دبّا سیمه کې شوی، ۴ نور کسان ټپیان شوي هم دي.
بلخوا د اسراییلو پوځ منلې چې د لبنان په جنوب کې یې د حزب الله غورځنګ د وسلو یوه لارۍ ویشتلې ده.
د ویلو ده چې د اسراییلو او لبنان د حزب الله ترمنځ پر روانه جګړې اوربند شوی و چې د جنورۍ تر۲۶مې وخت لري.
پر دغه اوربند د نومبر میاشتې پر ۲۷مه د ۶۰ ورځو لپاره موافقه وشوه چې له مخې یې د لبنان پوځ او د ملګرو ملتونو سوله ساتي ځواکونه د لبنان په جنوب کې ځای پر ځای شول او د اسراییلو پوځ له دغو ساحو ووتلو.
