رویداد خبري آژانس په افغانستان کې لومړنۍ دیجټلي خبري آژانس
د کلیو د پراختیا او بیارغونې وزارت ویلي، په لغمان کې د لسو پرمختیایي پروژو کار بشپړ شو او یادې پروژې ګټې اخیستنې ته وسپارل شوې.
د دغه وزارت د ویاند ‘محمد رفیق جنبش’ په خبره، چې د یادو پروژو په بشپړېدو سره به زرګونه کرنیزې ځمکې خړوبې شي.
جنبش زیاته کړې، چې د پروژو په بشپړېدو سره به په یاد ولایت کې د سېلابونو د زیانونو مخنیوی هم وشي او همداراز به د لغمان د بېلابېلو سیمو د اوسېدونکو ټرانسپورتي ستونزې حل شي.
د کلیو د پراختیا او بیارغونې وزارت ویلي، چې پر دغو پروژو یې شاوخوا ۱۳ میلیونه افغانۍ لګولې دي.
په لغمان کې په تازه ګټې اخیستنې ته سپارلشویو پروژو کې د اوبو لګولو کانالونه، استنادي دېوالونه او د کلیو د سړکونو جوړول شامل دي.
د رسنیو د معلوماتو له مخې، چې د دغو پروژو ډېره برخه د لغمان په قرغیو ولسوالۍ کې پلې شوې دي.
