رویداد خبري آژانس په افغانستان کې لومړنۍ دیجټلي خبري آژانس
د پاکستان بهرنيو چارو وزير شاه محمود قرېشي وايي، په افغانستان کې د داعش له منځه وړلو په موخه اړتيا ده چې له طالبانو سره همکاري وشي.
نوموړي چې نن سېشنبه د (وري په ۲مه) يې اسلاماباد کې د اسلامي همکاريو سازمان غونډې ته خبرې کولې وويل، د داعش له منځه وړلو لپاره له طالبانو پرته په افغانستان کې بل غوراوی نشته او اړينه ده چې دې هدف ته د رسېدو لپاره ورسره همکاري وشي.
قرېشي داسې مهال دا څرګندونې کوي، چې له دې وړاندې د امريکا د پوځ مرکزي قومندانۍ قومندان جنرال کينټ مکينزي په راتلونکي اوړي کې د طالبانو او داعش ډلې ترمنځ د جګړې پيلېدو احتمال مطرح کړی.
خو د اسلامي امارت استخباراتو رياست د نوموړي څرګندونو په غبرګون کې ويلي، چې داعش ډله د افغانستان په هېڅ ځای کې فزيکي حضور نه لري او د مکينزي يادې څرګندونې دې ډلې ته کمپاين کولو په مانا دي.
