رویداد خبري آژانس په افغانستان کې لومړنۍ دیجټلي خبري آژانس
د فاریاب امنیتي مسوولین وايي، چې د دغه ولایت په پشتونکوټ ولسوالۍ کې ۱۰ تنه د جوارګرۍ په تور نیول شوي دي.
د دغه ولایت امنیتي مسوولینو رسنیو ته وویل، چې دغه کسان امنیتي ځواکونو د پشتونکوټ ولسوالۍ په قزل قول سیمه کې د جوارګرۍ پرمهال لاس په لاس نیولي دي.
د مسوولینو په وینا، له دغو کسانو څخه ۷۹۵ زره او ۷۹۰ افغانۍ، موبایلونه او د جوارګرۍ وسایل هم ترلاسه شوي دي.
د یادونې وړ ده، چې د نیول شویو کسانو دوسیې به له څېړنو وروسته عدلي او قضایي ارګانونه ته وسپارل شي.
