رویداد خبري آژانس په افغانستان کې لومړنۍ دیجټلي خبري آژانس
د غور ولایت په لعل و سرجنگل ولسولۍ کې د مسافر وړونکو موټر د چپه کېدو له امله ۱۸ کسانو ته مرګژوبله اوښتې ده.
دا پېښه پرون (دوشنبې، د زمري ۲۹مه) د لعل و سرجنگل ولسوالۍ په «سفید چشمه» سیمه کې شوې ده.
د غور د امنیه قومندانۍ د معلوماتو له مخې، دا موټر د سنگ تخت ولسوالۍ او ډایکنډي بندر په لور روان و او سپرلۍ یې د ماشومانو او ښځینه وو په ګډون یوه کورنۍ وه.
د راپورنوله مخې، د ۷ ټپیانو حالت خراب او د درملنې په موخه د غور ولایتي روغتون ته لېږدول شوي دي.
د دې پېښې اصلي لامل د موټر تخنیکي ستونزه بلل شوې ده.
ترافیکي پېښې هر کال په هېواد کې سلګونه کسانو ته مرګژوبله اړوي.
مسوولین د چلوونکو بې احتیاطي، د سړکونو خرابوالی او د قوانینو نه مراعتول د ترافیکي پېښو اصلي لاملونه بولي او له چلوونکو غواړي چې احتیاط وکړي.
