رویداد خبري آژانس په افغانستان کې لومړنۍ دیجټلي خبري آژانس
د فلسطین د روغتیا وزارت اعلان کړی چې د تېرې ورځې او شپې په اوږدو کې پر غزې د اسراییلو په بریدونو کې ۴۳ فلسطینیان وژل شوي او ۱۱۱ نور ټپيان دي.
د دې وزارت د معلوماتو له مخې، د اسراییلو په بریدونو کې د وژل شویو فلسطینیانو شمېر ۳۷ زره ۸۷۷ تنو ته رسېدلی دی.
د فلسطین روغتیا وزارت د ټپیانو او مړو د شمېر له زیاتیدو سره هم مهاله ویلي، د اسراییلي ځواکونو د بندیزونو له امله په غزه کې روغتونونه د سون توکو له کمښت سره مخ دي او له برېښنا پرته د ټپیانو درملنه ناشونې ده.
سرچینه زیاتوي، که په راتلونکو ۴۸ ساعتونو کې د غزې روغتونونو ته د اړتیا وړ سون توکي ونه رسېږي، ناروغانو او ټپیانو ته د خدمتونو د وړاندې کولو بهیر به ودرول شي.
بلخوا اسراییلي ځواکونو د اشغال شوې لوېدیځې غاړې نه شل تنه نور فلسطینیان نیولي دي.
د فلسطيني بنديانو ټولنې اعلان کړی چې د اکټوبر له اوومې نېټې راهيسې په لوېديځه غاړه کې د اسرایيلي ځواکونو له خوا ۹ زره ۴۵۰ فلسطينيان نيول شوي دي.
