رویداد خبري آژانس په افغانستان کې لومړنۍ دیجټلي خبري آژانس
په غزه کې روغتیایي چارواکو خبر ورکړی چې، د غزې په بېلابېلو سیمو کې پر ملکي وګړو د اسراییلي ځواکونو په هوایي بریدونو کې لږ تر لږه شل تنه وژل شوي دي.
چارواکو ویلي چې په یادو بریدونو کې لسګونه نور کسان ټپیان شوي هم دي چې په کې ښځې او ماشومان شامل دي.
بلخوا متحده ایالات، د عربي منځګړیتوبونو سره، په غزه کې د ١۴ میاشتنۍ جګړې د بندولو لپاره د اسراٸیلو او حماس ترمنځ د یوې هوکړې په لټه کې دي.
د یادولو وړ ده چې اسراٸیلي ځواکونو د اکتوبر میاشتې راهیسې د بیت حنون او بیت لاهیه په ښارونو او همدارنګه د جبالیه پنډغالي ته نږدې پوځي عملیات پیل کړي دي.
