رویداد خبري آژانس په افغانستان کې لومړنۍ دیجټلي خبري آژانس
د غزني امنيه قومانداني وايي، په ګيلان ولسوالۍ کې د ځمکې پر سر د دوو کورنيو ترمنځ د شخړې له امله يو تن وژل شوى دى.
دا پېښه د شنبې په ورځ د زمري په شپږمه د ګيلان ولسوالۍ په “څلي” کلي کې رامنځته شوې ده.
د غزني د امنیې قومندانۍ د خبرپاڼې له مخې، په دې جګړو کې یو تن د “بېل” په واسطه ټپي شوی او د ژورو ټپونو له امله یې ساه ورکړې ده.
د غزني امنیتي چارواکي وايي، د دې وژنې په تړاو یې څلور تنه نیولي دي.
