رویداد خبري آژانس په افغانستان کې لومړنۍ دیجټلي خبري آژانس
د غزني چارواکي په دغه ولایت کې د څلورو ټرافیکي پېښو د رامنځته کېدو خبر ورکړی دی.
د امنیه قومندانۍ مسوولینو رسنیو ته ویلي چې نن سهار د غزني ښار اړوند ناني بازار ته څېرمه په یو وخت د څلورو ټرافیکي پېښو له امله یو کس مړ او یوولس نور ټپیان شوي دي.
د چارواکو د معلوماتو له مخې ټپیان پر وخت بېلابېلو روغتونونو ته وړل شوي دي او تر درملنې لاندې دي.
د راپورونو پر بنیاد دا په تېرو ٢٤ ساعتونو کې اوومه ټرافیکي پیښه ده چې د غزني اړوند د کابل-کندهار پر لویه لاره او د دغه ولایت په نورو سیمو کې رامنځته کېږي.
عام باور دا دی چې په هېواد کې ټرافیکي پېښې د سړک خرابوالي او د موټر چلوونکو د بې احتیاطۍ له امله رامنځته کېږي.
