رویداد خبري آژانس په افغانستان کې لومړنۍ دیجټلي خبري آژانس
د پاکستان پخواني لومړی وزیر عمران خان وايي، پر افغانستان د هوايي بریدونو او له پاکستان څخه د کډوالو په جبري ایستلو سره پاکستان کې ترهګري کمه نه، بلکې لا زیاته شوې ده.
عمران خان پرون (جمعه) په اډیالي زندان کې له خبریالانو او مدافع وکیلانو سره په خبرو کې ادعا کړې چې د افغان کډوالو جبري ایستل به په پاکستان کې ترهګري کمه نه کړي. دا عمل نه یوازې امنیت نه ښه کوي بلکې د دواړو هېوادونو تر منځ کرکه هم زیاتوي.
عمران خان له وکیلانو او خبریالانو سره خپلې خبرې په خپله پخوانۍ اېکس پاڼه یا ټویټر کې خپرې کړې او ویلي یې دي چې پاکستان دوه ځله پر افغانستان هوايي بریدونه کړي دي.
بل خوا د پاکستان لومړي وزیر شهباز شریف پرون د کابینې په غونډه کې پر افغانستان د پاکستان د هوايي برید په غیر مستقیمه توګه دفاع کړې او ویلي یې دي چې ا.ا باید د ټي ټي پي پر وړاندې دریځ غوره کړي.
