رویداد خبري آژانس په افغانستان کې لومړنۍ دیجټلي خبري آژانس
د امریکا د بهرنیو چارو وزارت پرون (جمعه، د زمري ۱۹مه) اعلان کړی چې د جو بایډن حکومت پر عربستان باندې د امریکا لخوا د وسلو خرڅولو بندیز د لغوه کېدو پرېکړه کړې ده.
دا بندیز چې دوه کاله وړاندې د یمن د جګړې د پایته رسولو په موخه په یاد هېواد د فشار لپاره اېښودل شوی و، اوسمهال لغوه اعلان شوی دی.
د رویټر د راپور له مخې، دا پرېکړه له هغې وروسته وشوه چې سعودي په یمن باندې هوایي بریدونه بند کړل.
همداراز، دا بدلون د امریکا او عربستان د اړیکو د ښه والي او نږدې همکاریو په دوام د اسراییلو او حماس د جګړې سره هممهاله ترسره شوی دی.
د ویلو ده چې د امریکا د قانون پر بنسټ، د وسلو د لویو تړونونو له نهایي کېدو مخکې باید د کنګرې لخوا وڅېړل شي او هیله دا ده چې د دې وسلو خرڅلاو ژر پیل شي.
