رویداد خبري آژانس په افغانستان کې لومړنۍ دیجټلي خبري آژانس
د افغانستان د ملي دفاع وزارت د دې انځورونو په خپرولو سره ویلي چې د دوی د لومړنیو معلوماتو له مخې د هرات ولایت ګذرې ولسوالۍ عملیاتو کې ملکي وګړو ته هېڅ زیان نه دی اوښتی او څېړنې لاهم دوام لري.
د ملي دفاع وزارت وایي دا عملیات د کشف شوو انځورونو او ثبت شوو ویډیوګانو له مخې شوي دي.
د هرات ولایت ځايي چارواکي وایي په دغو عملیاتو کې چې د هوا له لارې ترسره شوی، د طالبانو د څو مهمو قومندانانو په ګډون د دغې ډلې ۴۵ غړي وژل شوي او یو شمېر نور ټپيان شوي دي.
بل لورې ته بیا د ملي پخلاینې عالي شورا په هرات کې د هوایي برید په تړاو په یوې اعلامیه کې ویلي چې د تاوتریخوالي زیاتوالی او د ملکي وګړو وژنه ورته د منلو وړده
د ملي پخلاینې عالي شورا زیاته زیاته کړې”: تمه کېده چې تاوتریخوالی به کم شي ځکه چې د بین الافغاني خبرو اترو په رانږدې کیدو سره ، د سولې د تاریخي خبرو لومړي پړاو ته لاره هواره شوي.”
یادې شورا په دغه اعلامیه کې لیکلي”: د جګړې په ډګر کې د تلفاتو ارقام د بشري او بشري ناورین نښه ده ، او ملکي وګړي د جګړې او زور زیاتي اصلي قربانیان دي. موږ د جګړې په شاوخوا خلکو غږ کوو چې د ملکي وګړو ژوند او ملکیت ته درناوی وکړي او د وینې تویولو او وژنو مخه ونیسي.”
