رویداد خبري آژانس په افغانستان کې لومړنۍ دیجټلي خبري آژانس
دافغانستان د اطلاعات او کلتور سرپرست وزیر محمد طاهر زهیر پر هېوادوالو غږ کړی دی چې د فرهنګي میراثونو د ساتنې برخه کې فعاله ونډه واخلي.
محمد طاهر زهیر نن چهارشنبه (د چنګاښ ۲مه نېټه) په کابل کې یوې خبري کنفرانس ته وویل چې ځینې فرصت طلبه کسان په هېواد کې له روانو ناامنیو څخه په استفادې هڅه کوي چې فرهنګي میراثونه د نابودۍ له ګواښ سره مخ کړي.
بلخوا د کلتور او هنر معین هارون حکیمي هم فرهنګي میراثونه د خلکو ملکیت بللی او زیاته کړې یې ده چې هېوادوال دې په ناامنو سیمو کې د خپلو فرهنګي میراثونو په ساتنه او پالنه کې همکاري وکړي.
په ورته وخت کې د دغه وزارت نشراتي معین ویلي چې ځینې خلک په رسنیو ځانګړې توګه په ټولنیزو رسنیو کې د بیان مثبتې او منفي ازادۍ ته له پام پرته خبرونه خپروي او په خبره یې ټولو ته په کار ده چې د دې مسئلې عمق ته په پام د منفي خبرونو او اوازو له خپرولو ډډه وکړي.
