رویداد خبري آژانس په افغانستان کې لومړنۍ دیجټلي خبري آژانس
د افغانستان سرپرست حکومت د غزې په الاقصا جومات کې پر لمونځ کوونکو د اسرائيلي ځواکونو بريد غندلی او دا کار يې بشري جنايت بللی دی.
بهرنيو چارو وزارت نن شنبه د (وري په ۲۷مه) د يوې اعلاميې په خپرولو سره ويلي، چې نړيوال بايد د فلسطيني وګړو د حقونو اعادې لپاره عملي ګامونه پورته کړي.
په اعلاميه کې په ځانګړې توګه له اسلامي هېوادونو غوښتل شوي، چې د فلسطينيانو د حقونو اعادې په موخه دې کوټلي او عملي ګامونه واخلي.
اسرائيلي ځواکونو پرون جمعه د لمانځه پرمهال په الاقصا جومات کې پر خلکو ډزې وکړې او د يادو ډزو په پايله کې له ۱۵۰ تنو زيات لمونځ کوونکي ټپيان شول.
