رویداد خبري آژانس په افغانستان کې لومړنۍ دیجټلي خبري آژانس
د زندانونو چارو د تنظیم اداره وایي، چې طالبانو د کابل- غزني پر لاره د غزني ولایت د زندان امنیتي مرستیال محمد علي احمدي لومړی له ځان سره بېولی او بیا یې وژلی دی.
له یادې ادارې څخه په خپره شوې اعلامیه کې راغلي چې نوموړی د سه شنبې په ورځ له غزني څخه کابل ته پر لاره و چې د طالبانو لخوا تر نیول کېدو یوه ورځ وروسته وژل شوی دی.
د ولسمشر دویم مرستیال سرور دانش هم د محمد علي وژل کېدلي غندلي دي. طالبانو تر اوسه په رسمي ډول په دې اړه څه نه دي ویلي.
