رویداد خبري آژانس په افغانستان کې لومړنۍ دیجټلي خبري آژانس
د شمالي وزير په ميرعلي کې پر پاکستاني پوځيانو وسلهوال بريد شوی او په ترڅ کې يې يادو پوځيانو ته درنه مرګ ژوبله ور اوښتې ده.
بريد د پاکستان پوځ هم تائيد کړی او د يوې خبرپاڼې په خپرولو سره يې ويلي، چې د دغه وسلهوال بريد په ترڅ کې ۲ پوځيان وژل شوي دي.
د پوځ په خبرپاڼه کې راغلي، چې د بريد پرمهال يې وسلهوالو ته سخت ځواب ورکړی او زياته کړې يې ده، چې د بريدګرو د مودندلو په موخه يې په ميرعلي کې عمليات پيل کړي دي.
خو ځايي سرچينې بيا پاکستاني پوځيانو ته په بريد کې اوښتې مرګ ژوبله له هغه څه زياته ګڼي، چې د پاکستان پوځ په خپله خبرپاڼه کې په ډاګه کړي.
ځايي سرچينو رسنيو ته ويلي، چې په دې بريد کې ۵ پاکستاني پوځيان وژل شوي او ګڼ نور ټپيان شوي دي.
په شمالي وزيرستان کې پر پاکستاني پوځيانو دغه بريد داسې مهال کېږي، چې پاکستاني طالبانو د افغان طالبانو په منځګړيتوب د پاکستان له حکومت سره په مذاکراتو کې، د کوچني اختر لپاره کړی اوربند د روانې می تر وروستيو وغځوه.
