رویداد خبري آژانس په افغانستان کې لومړنۍ دیجټلي خبري آژانس
په قطر کې د اسلامي مارت سياسي دفتر رئيس سهېل شاهين The Print په نوم له يوې انلاين رسنۍ سره په تازه مرکه کې د هند او افغانستان ترمنخ پر اړيکو بحث کړی او له هند يې غوښتي چې له نوي حکومت سره اړيکې ټينګې کړي.
نوموړي زياته کړې، چې هند دې د محمد اشرف غني د حکومت له چارواکو سره د افغانستان د استازو په توګه اړيکې نه ساتي او پر ځای دې يې له نوي حکومت سره اړيکو ته دوام ورکړي.
شاهين د خپلو خبرو پر دوام سره ويلي، د هند او فغانستان ترمنځ د اړيکو دوام اړين دی او له همدې کبله دې يې هند په کابل کې خپل سفارت بېرته پرانيزي. نوموړي دا هم ويلي، چې هند کولی شي په افغانستان کې د خپلو نېمګړو پاتې پروژو کارونه هم بشپر کړي.
