رویداد خبري آژانس په افغانستان کې لومړنۍ دیجټلي خبري آژانس
د کندهار ولایت پر هوایي ډګر د وسله والو طالبانو لخوا له ډزو وروسته، په افغانستان کې د امریکایي او ناټو ځواکونو عمومي قوماندان یو وار بیا خبرداری ورکړ چې که د دوی پر سرتیرو برید وشي، نو کلک ځواب به ورکړل شي.
جنرال سکاټ مېلر په یوه وېډیويي پیغام کې چې د امریکايي ځواکونو ویاند ساني لګېت پرون شنبه (د غویي ۱۱مه نېټه) پر ټویټر خپور کړ؛ ویلي، پر نړیوالو ځواکونو برید به تېروتنه وي: “موږ پوځي وسایل لرو چې د ائتلاف د قواوو پر ضد هر ډول حملې ته ځواب ووایو او همداراز داسې پوځي امکانات لرو چې د افغان امنیتي ځواکونو ملاتړ پرې وکړو.”
په افغانستان کې د نړیوالو ځواکونو ویاند پر خپله ټویټرپاڼه لیکلي چې د کندهار پر هوايي ډګر پرون ماسپښین ډزې وشوې، خو مرګژوبله او تاوانیې پېښ نهکړ.
د دې برید مسؤلیت کومې ډلې په غاړه نهدی اخیستی.
د نړیوالو ځواکونو د وتلو رسمي بهیر پرون د مې په لومړۍ رسماً پیل شو.
