رویداد خبري آژانس په افغانستان کې لومړنۍ دیجټلي خبري آژانس
سپينې ماڼۍ پرون شنبه ناوخته د (غويي په ۳۱مه) په يوه بيان کې پر دې اعتراف کړی چې په دوحې کې د امريکا او ط.البانو ترمنځ شوې هوکړې، ط.البان خورا پياوړي او ځواکمن کړل.
په بيان کې ويل شوي، چې د ولسمشر جوبايډن حکومت ته د سولې په اړه يوه داسې هوکړه ورپاتې وه، چې طالبان يې پياوړي او برعکس د افغانستان په مخکيني حکومت کې يې د امريکا متحدان کمزوري کړي وو.
له دې سره د افغانستان بيا رغونې لپاره د امريکا ځانګړي مفتش يا سېګا ويلي، چې د طالبانو او امريکا ترمنځ د سولې هوکړې لاسليک کېدو د امريکا او افغانستان ترمنځ په زياته کچه بيباوري رامنځته کړه.
سېګار ويلي، چې په ياده هوکړه کې د طالبانو او امريکا ترمنځ پټې هوکړې هم موجودې وې.
په دوحې کې د اسلامي امارت او امريکا ترمنځ د سولې هوکړه د ۲۰۲۰ زېږديز کال د فيبرورۍ په ۲۹مه لاسليک شوه او له مخې يې ټول امريکايي او بهرني ځواکونه واک ته د اسلامي امارت له بيا رسېدو وروسته، د ۲۰۲۱زېږديز کال د اګسټ په ۳۱مه له افغانستان څخه ووتل.
