رویداد خبري آژانس په افغانستان کې لومړنۍ دیجټلي خبري آژانس
د پاکستان دفاع وزارت خبر ورکړی چې د خېبرپښتونخوا ایالت په سوېلي وزیرستان کې له وسله والو سره د نښتې پرمهال څلور پاکستاني پوځیان وژل شوي دي.
یاد وزارت (پنجشنبې، د لړم۱۸مه)په خبرپاڼه کې ویلي چې، دغه پاکستاني سرتېري د سوېلي وزیرستان په اړوندو سیمو کې له وسله والو سره په نښته کې وژل شوي دي.
خبرپاڼه کې دغه راز پاکستاني پوځیانو ادعا کړې چې د نښتې پرمهال یې پنځه وسله وال هم وژلي دي او اوسمهال یې په سیمه کې د وسله والو له منځه وړلو په موخه عملیات پیل کړي دي.
پاکستان کې په دې وروستیو کې وسله والو نښتو زور اخېستې چې تر ډېره په کې پوځیان او پولیس په نښه کېږي.
