رویداد خبري آژانس په افغانستان کې لومړنۍ دیجټلي خبري آژانس
د سویډن په نامه مرستندویه کمیټه وایي چې په افغانستان کې یې خپلو ټولو فعالیتونو ته د پای ټکی اېښی دی.
د راپورونو له مخې، دا پرېکړه د ا.ا په غوښته او د سویډن کمیټې د کارکوونکو د امنیتي خوندیتوب لپاره شوې او تېره جمعه د حوت ۲۵مه یې په افغانستان کې خپل ټول فعالیتونه بند شوي دي.
د افغانستان لپاره د سویډن کمیټې سرمنشي، اندریاس استفانسون ویلي چې دې کمیټې په افغانستان کې د ا.ا لخوا د دوی پر فعالیتونو له بندیز وروسته دا پرېکړه کړې ده.
هغه زياته کړه چې له جواز پرته کار او فعاليت خطرونه رامنځته کوي.
د سویډن کمیټې له تیرو څلویښتو کلونو راهیسې په افغانستان کې فعالیت درلود، چې د ښځو، ماشومانو او معلولینو په ګډون یې له زیانمنو شویو ډلو سره د پرمختیايي مرستو په برخه کې کار کاوه.
