رویداد خبري آژانس په افغانستان کې لومړنۍ دیجټلي خبري آژانس
د ملګرو ملتونو د بشري مرستو د همغږۍ دفتر (اوچا) اعلان کړی چې سویس هېواد له افغانستان سره ۹.۱ میلیون امریکایي ډالر مرسته کړې ده.
اوچا نن یکشنبې په خپله اېکس پاڼه د دغه خبر په خپرولو سره له سویس هېواد څخه مننه کړې ده.
اوچا ویلي چې دا مرسته د افغانستان د بشري مرستو له صندوق سره شوې ده.
د ملګرو ملتونو د بشري مرستو د همغږۍ دفتر دا نه دي ویلي چې دا پیسې به په کومه برخه کې مصرف شي.
د ویلو ده چې سویس تېره میاشت هم د افغانستان د بشري مرستو له صندوق سره څلور میلیونه ډالره مرسته کړې وه.
