رویداد خبري آژانس په افغانستان کې لومړنۍ دیجټلي خبري آژانس
سویډن ۷۰ میلیون کرون چې ۶.۸ میلیون امریکا ډالر کېږي د ۲۰۲۴ میلادي کال لپاره یې د افغانستان د بشردوستانه صندوق سره مرسته کړې ده.
د راپورونو له مخې، په افغانستان د ملګرو ملتونو د بشري مرستو د همغږۍ دفتر (اوچا) د سویډن د دې مرستې هرکلی کړی دی.
اوچا اعلان کړی چې سویډن د افغانستان د بشري مرستو د صندوق څلورم منظم اولوی مرسته کوونکی دی چې له ۲۰۱۴ کال راهیسې یې له دې صندوق سره څه باندې ۷۸۴میلیون کرون مرسته کړې ده.
دا په داسې حال کې ده چې په افغانستان کې یو شمېر نړیوال مرسته کوونکي نهادونه وایي چې د بودیجې له کمښت سره مخ دي او له همدې امله ټولو اړمنو کسانو ته نه شي رسېدلی.
