رویداد خبري آژانس په افغانستان کې لومړنۍ دیجټلي خبري آژانس
په سمنګانو کې د يوې ترافيکي پېښې له امله يو ماشوم مړ او شپږ تنه نور ټپيان شوي دي.
باختر اژانس خبر ورکړی، چې دا پېښه نن سهار (د سرطان ٩مه) د ايبک- مزارشريف د لويې لارې په اوږدو کې شوې ده.
په دې پېښه کې یو کرولا ډوله موټر چې مسافر یې لېږدول، له یوه بار وړونکي موټر سره ټکر کړی دی.
د سمنګان د مرکزي روغتون مسوولين وايي چې په دې پېښه کې د دريو ټپيانو روغتيايي حالت د اندېښنې وړ دی.
د ویلو ده چې د دې پېښې اصلي لامل د کرولا ډوله موټر ګړندی تګ بلل شوی دی.
