رویداد خبري آژانس په افغانستان کې لومړنۍ دیجټلي خبري آژانس
په سرېلانکا کې له د عامو خلکو له پراخو اعتراضونو او لاريونونو په ترڅ کې، پرون دوشنبه ناوخته د (غويي په ۱۹مه) د دې هېواد لومړی وزير ماهيندا راجاپاکسا له خپلې دندې استعفا ورکړه.
سرېلانکايانو له شاوخوا يوې مياشتې را په دېخوا د خوراکي توکو کموالي، د کافي اوبو او برېښنا نشتوالي او د لومړي وزير راجاپاکسا او د دولتي مسوولانو له لوري د کمزوري مديريت پر وړاندې لاريونونه پيل کړل او د لومړي وزير د استعفا غوښتنې ترڅنګ يې د اقتصادي ستونزو پر حل ټينګار کاوه.
يادو قهرېدلو لاريونوالو پرون دوشنبه د لومړي وزير د استوګنځي په شمول د يو شمېر نورو وزيرانو دفترونه هم سوځولي دي.
خو د لاريونو د پراخوالي او د خلکو د قهرېدو له امله پرون لومړي وزير راجاپاکسا له خپلې دندې څنګ ته شو او له دې سره سم په سريلانکا کې واک د پوځ لاس ته پرېووت.
