رویداد خبري آژانس په افغانستان کې لومړنۍ دیجټلي خبري آژانس
د سرپرست حکومت چارواکي وایي، په هېواد کې د ټولو دیپلوماتیکو ادارو او ډیپلوماتانو امنیت خوندي دی او هېوادونه کولای شي چې په افغانستان کې له کومه اندېښنې پرته خپلو ډیپلوماتیکو فعالیتونو ته دوام ورکړي.
تېر کال د سلواغې په میاشت کې داسې راپورونه خپاره شول چې سعودي عربستان په کابل د خپل سفارت فعالیتونه درولي او خپل دیپلوماتان یې له افغانستان څخه ایستلي دي، خو د سرپرست حکومت د ویاند مرستیال وايي، چې د افغانستان او سعودي عربستان په اړیکو کې کومه ستونزه نشته.
نوموړي هیله څرګنده کړې چې د سعودي عربستان دیپلوماتان به له کومې اندېښنې پرته په افغانستان کې خپلو فعالیتونو ته دوام ورکړي.
اوسمهال په کابل کې د چین، روسیې اروپايي ټولنې، ترکیې، قطر، ایران، ازبکستان او جاپان په ګډون د سیمې د ګڼو هېوادونو سفارتونه او دیپلوماټیک ماموریتونه پرانیستي دي.
