رویداد خبري آژانس په افغانستان کې لومړنۍ دیجټلي خبري آژانس
د اوکرین ولسمشر، ولادیمیر زلنسکي، پرون جمعه ادعا کړې چې د روسیې ولسمشر، ولادیمیر پوتین د هغه د سرسخت سیاسي مخالف «الکسي ناوالني» د مړینې مسوول دی.
زلنسکي زیاته کړې چې دی ډاډه دی چې یاد کس په مړینه کې پوتین لاس لري.
ناوالني په ۲۰۲۱ کال په روسیه کې د افراطیت او له هغوی څخه د مالي ملاتړ له امله زنداني شو.
هغه د پوتین له سرسختو مخالفینو څخه شمېرل کېده، چې په ۱۹ کاله زندان محکوم شو او په زندان کې یې شپې او ورځې تېرولې.
ناوالني د ۲۰۲۳ د ډسمبر په لومړیو کې د مسکو په ۲۹۰کیلو مترۍ په یوه بندخونه کې ساتل کېده.
نوموړی د ۲۰۲۴ کال په جنورۍ کې له زندان څخه په ډنګر ځان او خرېیلي سر په یوه ویډیو کې ظاهر شوی و.
د راپورونو له مخې، د ناوالني د وژلو په اړه لومړنۍ څېړنې پیل شوې دي او لومړنۍ پایلې یې له رسنیو سره نه دي شریکې شوې.
