رویداد خبري آژانس په افغانستان کې لومړنۍ دیجټلي خبري آژانس
پولنډ وايي، روسیې د دروژبا پایپ لاین له لارې يې دغه هېواد ته د تېلو رسول بند کړي دي.
د پولنډ د پي کې این اورلین چڼځای اجرایوي رییس ډینیل اوبیټیک د شنبې په ورځ په خپل ټویټر کې لیکلي چې شرکت به د دې تشې ډکولو لپاره بدیل سرچینې وکاروي.
د اوبېټیک په وینا، د پولنډ د اومه تېلو یوازې لس فیصده له روسیې څخه راځي. د ‘دروژبا’ پایپ لاین له لارې د روسیې د تېلو صادرات یوه ورځ وروسته تر دې بند شول چې اوکراین ته د پولنډ لیوپارډ ټانکونه ولېږل شول.
