رویداد خبري آژانس په افغانستان کې لومړنۍ دیجټلي خبري آژانس
د روسیې دفاع وزارت اعلان کړی چې مسکو او کیف چهارشنبې د سلواغې ۱۱مه ۴۰۰ بندیان تبادله کړي دي.
د روسیې دفاع وزارت چهارشنبې د سلواغې ۱۱ مه په یوه خبرپاڼه کې ویلي چې کیف ۱۹۴روسيي عسکر خوشي کړي دي.
بلخوا د اوکراین ولسمشر، ولادیمیر زلنسکي هم په خپله اېکس پاڼه لیکلي، د روسیې له خوا ۲۰۷ اوکرایني عسکر خوشي شوي دي.
روسي رسنیو د یاد هېواد د چارواکو په حواله راپور ورکړی چې د مسکو او کیف ترمنځ د بندیانو دا تبادله د متحده عربي اماراتو په مرسته شوې ده.
د ویلو ده چې د ۲۰۲۲ له فبرورۍ د اوکراین او روسیې د جګړې له پیله تر دې دمه دا د دواړو هېوادونو ترمنځ د بندیاتو تر ټولو ستره تبادله بلل شوې ده.
