رویداد خبري آژانس په افغانستان کې لومړنۍ دیجټلي خبري آژانس
روسي رسنيو خبر ورکړی چې د دغه هېواد پوځ د اوکراين په سوېل ختيځ مارېوپول او ختيځ لونووخا ښارونو کې جګړه درولې او اوربند يې اعلان کړی دی.
د رسنيو د راپور له مخې، دغه اوربند په دې موخه شوی څو له يادو سيمو څخه په خوندي توګه د ملکيانو د وتلو زمينه برابره شي. دغه اوربند نن د مسکو پر وخت پر ۱۰ بجو نافد دی؛ خو په دې اړه خپرو شوو راپورو کې دا نه دي ويل شوي چې تر کوم وخت پورې به دوام وکړي.
دامهال د اوکراين پلازمېنې او ځينو نورو ښارونو کې د اوکرايني او روسي ځواکونو ترمنځ جګړه دوام لري. د يادې جګړې په ترڅ کې روسيې ځواکونو پرون جمعه د اوکراين تر ټولو لويه اټومي بټۍ ونيوه.
پر دغه اټومي بټۍ د روسي ځواکونو بريد د نړيوالو له غبرګون سره مخ شوی دی.
