رویداد خبري آژانس په افغانستان کې لومړنۍ دیجټلي خبري آژانس
روسي چارواکو خبر ورکړی، چې امريکا د وضعيت څارنې او دغه راز له ترهګرۍ سره د مبارزې په پلمه په دې هڅه کې دی څو افغانستان ته نږدې پوځي اډه جوړه کړي.
دغه څرګندونې د روسيې د ولسمشر ملي امنيت سلاکار نيکولای پاتريشوف په تاشکند کې د شانګهای همکاريو سازمان غونډې ته کړي دي. د نوموړي په خبره، امريکا دا کار ظاهرا د وضعيت څارلو او له ترهګرۍ سره د مبارزې په موخه ياد کړی دی.
پاتريشوف زياته کړې، چې د سيمهييزې همکارۍ تر عنوان لاندې په روان ۲۰۲۲ زېږديز کال کې د امريکا په مشرۍ په تاجکستان کې د احتمالي ګډو پوځي تمريناتو ترسره کول هم په دې موخه دي، څو امريکا د افغانستان په ګاونډ کې د پوځي اډې جوړولو ته لاسرسی پيدا کړي.
نوموړي ويلي، د امريکا په باور دغه پوځي اډه به په منځنۍ اسيا کې وي او د لنډمهال لپاره د ترهګرۍ ضد فعاليتونو کې فعاليت ولري.
خو پاتريشوف په خبره، روسيه دا مهال د يادې اډې پر ارزولو او دغه راز په تاجکستان کې د احتمالي ترسره کېدونکو ګډو پوځي تريمنات ارزونه کوي.
دغه احتمالي ګډ پوځي تمرينات، چې د امريکا په مشرۍ ترسره کېږي په کې به د تاجکستان، ازبکستان، قرغيزستان، پاکستان، قزاقستان او منګوليا پوځيان برخه ولري.
