رویداد خبري آژانس په افغانستان کې لومړنۍ دیجټلي خبري آژانس
په کابل کې د امریکا سرپرست سفیر د بين الافغاني خبرو ژر پيل لپاره د زمینې برابرولو غوشتنه کړې.
د امریکا سرپرست سفیر راس ویلسن د افغانستان له پخواني ولسمشر حامد کرزي او عبدالرب رسول سیاف سره د سولې، سیاسي توافقنامې او ځینو نورو مسایلو په اړه خبري کړي دي.
ویلسن له ولسمشر کرزي او عبدالرب رسول سیاف مننه کړې چې د سیاسي تفاهم فرصت یې برابر کړ.
دوی د افغان حکومت له مشرانو غوښتي څو د بندیانو تبادله ژر تر ژره بشپړه کړي او د افغانانو تر منځ خبرو اترو ته زمینه برابره کړي.
ښاغلي ویلسن وايي اوس د دې وخت دی چې بین الافغاني خبرې پیل شي.
په کابل کې د امریکا سرپرست سفیر دغه څرګندونې داسې مهال کړي چې افغان چارواکو ویلي د طالبانو هغه بندیان نه خوشې کوي چې حق العبدي مسایل ولري.
