رویداد خبري آژانس په افغانستان کې لومړنۍ دیجټلي خبري آژانس
ټاکل شوې چې راتلونکې چهارشنبه د روانې نومبر په ۱۰مه، ګاونډي او د سيمې هېوادونو استازي په نوي ډهلي کې سره جرګه او د افغانستان موجوده وضعيت په تړاو به بحث وکړي.
هندي رسنيو راپور ورکړی چې په غونډه کې به د سيمې هېوادونه د افغانستان په اړه خپلې پراخېدونکې اندېښنې شريکې او د لېوالتياوو په صورت کې د خپلو راتلونکو اقداماتو په موخه به له يوه او بل سره سلا مشورې وکړي.
د راپورونو له مخې په دې غونډه کې له پاکستان پرته روسيې، ايران، تاجکستان، ازبېکستان، ترکمنستان، قزاقستان او قرغزستان د ګډون کولو ډاډ ورکړی دی.
که څه هم د هند په کوربهتوب د افغانستان په اړه دې غونډې ته د طالبانو استازي نه دي وربلل شوي، خو اسلامي امارت تمه ښودلې چې له افغانستان سره د همکاريو په اړه به په کې مثبتې پرېکړې وشي.
د پاکستان ملي امنيت سلاکار معيد يوسف تېره اوونۍ د افغانستان په اړه د هند په راتلونکې غونډه کې خپل ګډون رد کړ او زياته يې کړه چې د هند په کورتهتوب په ياده غونډه کې ګډون نه کوي.
