رویداد خبري آژانس په افغانستان کې لومړنۍ دیجټلي خبري آژانس
د کرکټ شل اوریز نړیوال جام د چمتووالي سیالیو په ترڅ کې افغانستان له عمان سره لوبه وکړه، خو د ورښت له امله بې پایلې تمامه شوه.
دا سیالي چې د مې میاشتې په ۲۹مه نېټه د چهارشنبې په ماښام د کابل پر وخت ۹:۳۰ بجې پیل شوې وه، پچه یې افغان لوبډلمشر وګټله او توپ اچونه یې غوره کړه.
عمان د ۳ لوبغاړو تر سوځېدو وروسته ۱۵۴ منډې وکړې.
یادې لوبډلې ته لوبډلمشر عاقب الیاس ۶۶ ناسوځېدلې، ذېشان مقصود او کېشپ پرجاپټي هر یوه ۳۵-۳۵ منډې وکړې.
افغان لوري ته نوین الحق او عظمت الله عمرزي یوه یوه وېکټ وسوځوله او درېیمه رن اوټ شوه.
د افغانستان د توپوهنې پاڼۍ د ورښت له امله ترسره نه شوه او سیالي هم بې پایلې شوه.
د ویلو ده چې افغانستان لوبډله به د چمتووالي بله سیالي د مې په ۳۱مه له سکاټلنډ سره ترسره کوي.
