رویداد خبري آژانس په افغانستان کې لومړنۍ دیجټلي خبري آژانس
د سریلانکا د کرکټ ملي لوبډلې په ټیسټ سیالیو کې د افغانستان ملي لوبډلې ته د لسو ویکټو په توپیر ماتې ورکړه.
د افغانستان د کرکټ بورډ د معلوماتو له مخې، چې دا سیالۍ د روانې فبروري په دویمه پیل او تر پرون (دوشنبه د فبروي ۵مې) یې دوام وکړ چې په پایله کې د سریلانکا لوبډلې افغان لوبډلې ته د لسو ویکټو په توپير ماتې ورکړه.
په دې لوبو کې افغان لوبډلې لومړۍ توپوهنه پیل کړه او په دوو پړاوونو کې یې د سریلانکا لوبډلې لپاره ۴۹۴ منډې هدف وټاکه.
د افغانستان د توپوهنې په برخه کې ابراهیم ځدران او رحمت شاه تر ټولو ډېرې منډې وکړې.
د ویلو ده چې په دې سیالیو کې د افغانستان نامتو توپاچوونکي، راشد خان ګډون نه درلود.
دا په داسې حال کې ده چې د افغانستان د کرکټ ملي لوبډله به څو ورځې وروسته د سریلانکا پر وړاندې د دریو یو ورځنیو سیالیو لپاره میدان ته ښکته شي، چې لومړۍ لوبه به راتلونکې جمعه د فبرورۍ په نهمه وشي.
