رویداد خبري آژانس په افغانستان کې لومړنۍ دیجټلي خبري آژانس
۱۴۰۳ کال د کانکور ازموينې لومړی پړاو نن (پنجشنبه د غبرګولي۱۷ مه) په ۱۵ ولایتونو کې د ښځینه زده کړیالانو له شتون پرته پیل شو.
په دې پړاو کې به په وردګو، لوګر، پروان، کاپیسا، پنجشېر، غزني، پکتیا، پکتیکا، کونړ، زابل، بامیان، سمنګان، بادغېس، هرات، غور او نورستان ولایتونو کې ازموینه واخیستل شي.
لومړی پړاو به د غبرګولي تر ۱۹ مه دوام وکړي او دویم پړاو به یې د چنګاښ په لومړۍ او دویمه نېټه په کابل کې ترسره شي.
په درېیم پړاو کې چې د چنګاښ په اوومه او اتمه نېټه به د تخار، کندز، بلخ، جوزجان، سرپل، فاریاب، ارزګان، بغلان، ډایکنډي او بدخشان په ولایتونو کې د کانکور ازموینه واخیستل شي.
په څلورم پړاو کې چې د چنګاښ له ۱۴مې تر ۱۶مې د ننګرهار، لغمان، خوست، کندهار، هلمند، فراه او نیمروز ولایتونو د کانکور ازموینه واخیستل شي.
د تېرو کلونو په څېر سږ کال هم کانکور د نجونو له شتون پرته اخیستل کېږي.
د يادونې وړ ده، چې تر دې وړاندې د کانکور په ازموينو کې تر ټولو زياتې نجونې مخکې وې او په ځينو ولايتونو کې تر هلکانو هم ډېرې داوطلبې وې.
