د کوچني اختر په مناسبت د ا.ا د رهبر د فرمان له مخې، د کابل له پلچرخي زندان څخه د ۴۰ ښځو او ۲۸ ماشومانو په ګډون ۴۰۶ زندانیان خوشې شوي دي.
د ا.ا د زندانونو د تنظیم ادارې معین عبدالله همدرد په یاد زندان کې جوړ شوو مراسمو ته ویلي: “اوس زندان د اصلاح په مرکز بدل شوی او نور د جزا او ځورونې ځای نه دی زما پیغام دا دی چې له زندانونو لیدنه وشي او رښتیا ټولو ته وښودل شي.”
د مسوولانو په وینا، د زندانیانو خوشي کېدل یوازې تر کابل پورې محدود نه دي، اټکل شوی چې د کوچني اختر تر رارسېدو پورې به د یاد فرمان پر بنسټ له بېلابېلو ولایتونو څخه څه باندې دوه زره زندانیان خوشي شي.