Home » افغانستان » د پوتین مشاور: روسیه به په (کاپ ۲۹) غونډه کې د ا.ا له شتون څخه ملاتړ وکړي
رویداد خبري اژانس
رویداد خبري اژانس

د پوتین مشاور: روسیه به په (کاپ ۲۹) غونډه کې د ا.ا له شتون څخه ملاتړ وکړي

د اقلیمي بدلون په برخه کې د روسیې د ولسمشر ځانګړی استازی «روسلان ایدلګیریف» ویلي چې هېواد به یې د «کاپ ۲۹» په نامه د ملګري ملتونو د اقلیمي بدلون په غونډه کې د ا.ا د استازي له شتون څخه ملاتړ وکړي.

د ا.ا د بهرینو چارو وزارت په اعلامیه کې ویلي چې ایدلګیریف د یاد وزارت له سرپرست، امیرخان متقي سره په کتنه کې ټینګار کړی چې افغانستان باید د اقلیمي بدلون په نړیوالو غونډو کې ګډون وکړي.

امیرخان متقي په دې کتنه کې ویلي چې افغانستان د ګل خانه یي ګازونو په تولید کې هېڅ رول نه لري، خو د اقلیمي بدلون له منفي پایلو خوندي نه دی.

متقي په داسې حال کې له روسیې په نړیوالو کنفرانسو کې د دوی د شتون غوښتنه کړې چې د اقلیمي بدلون کاپ ۲۸غونډې د ملګرو ملتونو له خوا د ا.ا هېڅ کوم استازی نه دی ور بلل شوی.

ویل کېږي چې د ملګرو ملتونو د اقلیمي بدلون کاپ۲۹ غونډه به د روان کال د نوامبر له  ۱۱ تر ۲۴ مې د اذربایجان په پلازمېنه باکو ښار کې ترسره شي.

شریکول:

About Shakiba Naderi

Leave a Reply

Your email address will not be published. Required fields are marked *

*

x

Check Also

په سمنګان ولايت کې ترافيکي پېښې‌ ۳۶ کسانو ته مرګژوبله اړولې

د سمنګان امنيه قومانداني خبر ...