رویداد خبري آژانس په افغانستان کې لومړنۍ دیجټلي خبري آژانس
د پنجشېر ولايت په دوو ولسواليو کې نن سهار (دوشنبه، د چنګاښ ۲۵مه) سېلابونو مالي زيانونه اړولي دي.
ځايي سرچينو رسنيو ته د عکسونو له رالېږلو سره لیکلي چې د پنجشېر عمومي لاره د دلان سنګ په سيمه کې د سېلاب له امله تړل شوې ده.
سرچینه زیاتوي، چې دغه سېلاب د عناب ولسوالۍ په «ابدره» او «دره فراج» سیمو کې زیات زیانونه اړولي دي.
په عکسونو کې لیدل کېږي چې ونې او کرنیزې ځمکې له منځه تللي دي.
تر اوسه د مالي او ځاني تلفاتو د کره شمېر په اړه معلومات نشته.
د ا.ا چارواکو تر اوسه په دې اړه څه نه دي ویلي.
