رویداد خبري آژانس په افغانستان کې لومړنۍ دیجټلي خبري آژانس
ټاکل شوې چې سبا يکشنبه د (وري په ۱۴) د پاکستان پارلمان يا قومي اسمبلۍ غړي، د دغه هېواد لومړي وزير عمران خان ته د باور او يا هم د نه باور رايه ورکړي.
د تحريک انصاف ګوند په مشرۍ د پاکستان اېتلافي حکومت د خپل مخالف سياسي اېتلاف له لوري تورن دی، چې د پاکستان کورنۍ او بهرنۍ پاليسي يې ناسمه روانه کړې او له همدې کبله پاکستان له سخت مالي کړکېچ سره مخ دی.
که څه هم عمران د پارلمان له لوري له مقدمې سره مخ دی، خو تر څنګ يې مخالفو سياسي ګوندونه دا ادعا هم کوي چې د تحريک انصاف په مشرۍ حکومت د دولت له امکاناتو په ګټنې سره د عمران خان په ګټه تبليغات کوي.
ټاکل شوې وه چې د پاکستان پارلمان تېره اوونۍ لومړي وزير عمران خان د باور او يا هم د نه باور رايه ورکړي؛ خو مخالفو سياسي ګوندونو د خپلمنځي پرېکړې پر بنسټ دا کار راتلونکې يکشنبې ته وځنډوه.
