رویداد خبري آژانس په افغانستان کې لومړنۍ دیجټلي خبري آژانس
د بلوچستان په تربت کې د پاکستاني پوځ په یو موټر د ځانمرګي برید له امله پنځه پاکستاني پوځیان وژل شوي او پنځه ویشت نور ټپیان شوي دي.
د پېښې مسوولیت بلوڅ بېلتون غوښتونکو منلی.
په یاد برید کې د پاکستان د پولیسو یو لوړپوړي چارواکي د کورنۍ شپږ غړي هم ټپیان شوي دي.
یو شمېر نړیوالو رسنیو هم دا برید ځانمرګی بللی او ویلې یې دي چې برید د پاکستاني پوځ په بس موټر شوی دی.
په دغه برید کې د بلوچستان څلورو ملکي وګړو هم خپل ژوند له لاسه ورکړی دی.
د پاکستان پوځ دولتي ادارو د دغه برید په اړه په رسمي ډول څه نه دي ویلي.
د ویلو ده چې تر دې وړاندې هم په بلوچستان کې د پاکستان په پوځ مرګوني بریدونه ترسره شوي چې مسوولیت د بلوڅ بېلتون غوښتونکې ډلې په غاړه اخیستی و
