رویداد خبري آژانس په افغانستان کې لومړنۍ دیجټلي خبري آژانس
د امریکا پخواني ولسمشر په یوه وینا کې اعلان وکړ چې هر بم چې پر یمن غورځېږي یو میلیون ډالر لګښت پرې راځي.
د امریکا د جمهوري غوښتونکو کاندید او پخواني ولسمشر، ډونالډ ټرمپ په خپله وینا کې اعلان وکړ چې هر بم چې پر یمن وغورځیږي د امریکا متحده ایالاتو ته به یې تاوان ډېر شي.
ټرمپ په مشیګن کې خپلو پلویانو ته وویل: “موږ پر یمن بمباري کوو، او د هر بم یو میلیون ډالر لګښت راځي، خو تر ټولو مهمه خبره دا ده چې موږ ډېر خلک وژنو.”
تر دې مخکې ټرمپ په یمن کې د امریکا له هوايي بریدونو وروسته د امریکا د ولسمشر جو بایډن پر ادارې نیوکې کړې وې.
هغه پر خپله اېکس پاڼه لیکلي: “موږ یو ځل بیا په ټول منځني ختیځ کې بمونه غورځوو، او زموږ د دفاع وزیر چې پنځه ورځې وړاندې ورک شوی، په روغتون کې په خپل لپ ټاپ کې جګړه تعقیبوي.”
ډونالډ ټرمپ په داسې حال کې په سره سمندرګي کې د امریکا او برتانیې د بریدونو د دوام اعلان کړی، چې د یمن پوځ تل ویلي، تر څو چې اسرائیلي رژیم پر غزې خپل بریدونه بند نه کړي، د دغه رژیم پر کښتیو او یا د اشغالګرو پر کښتیو به بریدونه دوام وکړي.
