رویداد خبري آژانس په افغانستان کې لومړنۍ دیجټلي خبري آژانس
د امریکا د پخواني ولسمشر ډونلډ ټرمپ ټاکنیز ټیم وايي تر هغې وروسته چې پولیسو تېره پنجشنبه د جورجیا ایالت د مرکز اتلانتا په زندان کې د هغه عکس واخیست، څه باندې اووه میلیون ډالر یې راټول کړي دي.
د دغو پيسو ډېره برخه د هغو ګیلاسونو یا پیالو، کمیسونو او نورو سوداګریزو توکو له پلوره ترلاسه شوې، چې د نوموړي همدغه عکس پرې چاپ شوی دی.
ټرمپ، چې د امریکا راتلونکو ولسمشریزو ټاکنو ته هم له جمهوریپال ګونده نوماند دی، زندان کې د څو دقیقو له تېرولو وروسته د ۲۰۰ زره ډالرو په ضمانت بېرته خوشې شو.
هغه د ۲۰۲۰ کال ولسمشریزو ټاکنو پر مهال دغه ایالت کې د ټاکنو د پایلو بدلولو لپاره د دسیسې په تور بندي شوی و، چې د ۲ لکه ډالرو ضمانت په ورکولو سره بېرته را خوشې شو.
