رویداد خبري آژانس په افغانستان کې لومړنۍ دیجټلي خبري آژانس
دغه لوبه نن د کابل پر وخت د شپې په نههنیمې بجې د سعودي عربستان په ملک فهد لوبغالي کې ترسره کېږي.
په سعودي عربستان کې د فوټبال د یوې لوبې چې د نړیوال فوټبال دوه ستوري، لیونل مسي او کریستیانو رونالډو له یو بل سره د سیالۍ ډګرته وځي، یو ځانګړی ټکټ په ۲،۶ ملیون ډالرو پلورل شوی دی.
د يادې لوبې د یوه ځانګړي مېلمه ټکټ چې داوطلبۍ ته وړاندې شوی و، د سعودي عربستان د تفریحي چارو د دولتي ادارې په وینا هغه د مشرف الغامدي په نوم د سعودي یوه سوداګر پر۲،۶ ملیون ډالرو پېرلی دی.
لیونیل میسي په پاریسن جرمن لوبډله او کریستیانو رونالډو د سعودي په النصر لوبډله کې لوبیږي خو رونالډو د میسي د ټیم په وړاندې د ریاض ۱۱ په لوبډله کې چې د سعودي د غوره لیګونو غوره لوبغاړي پهکې راټول شوي، لوبه کوي.
