رویداد خبري آژانس په افغانستان کې لومړنۍ دیجټلي خبري آژانس
هیل چې ځينې کسان يې (لاچي) بولي، په افغانستان کې د نورو خوراکونو او څښاکونو تر څنګ په شين چای کې ډېره کارول کېږي، چې شين چای خوشبودار او خوندور کوي.
د دې تر څنګ هیل په نورو خوراکونو کې د ذايقې د ښه کولو لپاره کارول کېږي، خو هیل یا لاچي د ذايقې تر څنګ نورې ډېرې ګټې هم لري.
۱– د خولې بد بوی له منځه وړي، ټوخی او ايټکی پای ته رسوي.
۲– د کولمو سوزش، په هضمي سېستم کې ستونزې، د سينې سوزش او استفراق له منځه وړي.
۳– که په پخلي يا سبزيجاتو خوړلو کې له لاچي څخه ګټه واخيستل شي نو زړه روغ او پیاوړی وي.
۴– په چای کې د لاچي استعمال د وينې فشار نورمال ساتي.
۵– په يو ګلاس شودو کې د ګوتې د بند په اندازه ميده شوې لاچي واچوئ او ويې څښئ، د وينې له کموالي څخه به وژغورل شئ.
۶– که قبض ناروغي ولرئ او له لاچي څخه ګټه واخلئ، نو قبض به مو پایته ورسېږي.
۷– که له کېلې سره د لاچي دانې وخوړل شي، نو استفراق درېږي.
۸– د غاښ درد کموي، یوه دانه لاچي راواخلئ او کوم غاښ مو چې درد کوي په هاغه ځای کې یې کلک ونیسئ، درد به مو ارام شي.
۹- لاچي په وزن کمولو او یا هم په وزن نورمال ساتلو کې مرسته کوي.
۱۰– د هاضمې سیستم پیاوړی کوي، د هاضمې پیاوړلو لپاره یې یو دانه خولې ته اچول ښه دي، او همدا ډول په چای یا خوراک کې یې استعمال هم د هاضمې سیستم پیاوړی کوي.
