رویداد خبري آژانس په افغانستان کې لومړنۍ دیجټلي خبري آژانس
ټاکل شوې چې نن دوشنبه د هند غوره لیګ په سیالیو کې د رایل چلینجر بنګلور لوبډله د لکنو سوپر جاینټز پر وړاندې سیالي وکړي.
دغه سیالي چې په بنګلور ښار کې ترسره کېږي د کابل پر وخت ماښام ۶:۳۰ بجې پیلیږي.
لکنو لوبډلې چې دوه سیالۍ ګټلي او یوه یې بایللې د نومرو په جدول کې درېیم مقام لري.
د بنګلور لوبډلې بیا یوه سیالي ګټلې او بله یې بایللې ده او اوس په ۷م مقام کې ده.
د دې لیګ د اپریل د ۹مې په سیالیو کې کلکتې تر یوې جالبې سیالۍ وروسته ګجرات ته ماتې ورکړه.
دغه راز د دې ورځې په دویمې سیالۍ کې سن رایزر حیدراباد د پنجاب کینکز په ماتولو سره په سږني پړاو کې خپله لومړۍ بریا ثبت کړه.
