رویداد خبري آژانس په افغانستان کې لومړنۍ دیجټلي خبري آژانس
حمن الله ګربز لومړنی افغان لوبغاړی شو چې په اييپيايل کې نیمه سلیزه وهي، چې په دې سره يې کلکتې ـ بنګلور ته ماتې ورکړه.
د هندوستان غوره لیګ (اييپيايل) په نهمې سیالۍ کې کلکته نایټ رایډرز د ۸۱ منډو په توپیر رویال چلینجرز بنګلور ته ماتې ورکړه.
دغه سیالي چې د پنجشنبې په ورځ د اپریل په ۶مه نېټه د هند په ايډن ګارډن لوبغالي کې ترسره شوه، کلکتې لومړۍ توپوهنه وکړه او د ۲۰۵ منډو هدف یې وټاکه. د نایټ رایډرز په توپوهونکو کې رحمن الله ګربز۵۷، شردول ټاکور۶۸ او رینو سینګ ۴۶ منډې جوړې کړې. دا لومړی ځل و چې یو افغان لوبغاړی په اييپيايل سیالیو کې نیمه سلیزه وهي.
بنګلور ته ډیويډ ویلي او کرن شرما دوه ـ دوه لوبغاړي وسوځول. د بنګلور توپوهونکي د هدف په پوره کولو کې پاتې راغلل او د ټولو لوبغاړو په سوځېدو یې په ۱۸ اورونو کې ۱۲۳ منډې وکړې. د یادې لوبډلې مخکښ توپوهونکي ویرات کولي، فاف ډوپلیسي او ګلین میکسویل په ترتیب سره ۲۱، ۲۳ او ۵ منډې وکړې.
په توپ اچونه کې د کلکتې په ګټه چکروتي ۴، سویش شرما ۳ او سونیل نارین دوه لوبغاړي وسوځول. د دې سیالۍ اغېزناک او غوره لوبغاړی شردول ټاکور ونومول شو.
د ویلو ده چې په راتلونکې سیالۍ کې به لکنو سوپر جاینټز د سن رایزر حیدراباد پر وړاندې د سیالۍ ډګر ته ښکته شي.
