رویداد خبري آژانس په افغانستان کې لومړنۍ دیجټلي خبري آژانس
د نېجر هېواد په يوه ښوونځي کې د اور لګېدنې پېښې له امله، لږ تر لږه د ښوونځي ۲۶ تنه زدهکوونکي وژل شوي دي.
پېښه پرون دوشنبه د (لړم په ۱۷مه) د دغه هېواد مارادي ښار کې رامنځته شوې ده. د فرانسې خبري اژانس د دغه ښار د ښاروال چايبو ابوبکر په حواله ويلي دي، اور لګېدنه د ماشومانو په هغو ټولګيو کې رامنځته شوې چې له لرګيو جوړ شوي وو.
نوموړي زياته کړې چې په دې پېښه کې ۲۶ تنه زدهکوونکي وژل شوي او ۱۳ نور ټپيان دي. د ابوبکر په خبره په ټپيانو کې د ۴ هغو چې عمرونه يې له ۴ تر ۵ کلونو دی، روغتيايي وضعيت خراب ښودل شوی.
نېجر پر غرونو پوښلی هېواد دی او دا چې لرګې په کې پرېمانه دي، نو له همدې امله ترې د ودانيو په جوړولو کې ډېره ګټه اخېستل کېږي.
تر اوسه په نوموړي ښوونځي کې د اور لګېدو د علط په اړه څه نه دي ويل شوي خو چارواکو خبر ورکړی چې په دې اړه يې څېړنې پيل کړې دي.
